Dili, 29 Novembro 2024 - Ho ksolok no orgullu boot, Mosan hetan priviléjiu hodi partisipa iha eventu Loron Nasionál Poupansa ne’ebé organiza husi BCTL iha Sentru Konvensaun Dili (CCD). Eventu ida-ne'e fornese plataforma ida ne'ebé iha valór atu promove literasia finanseira no prátika sira poupansa nian, no Mosan sente onradu atu sai parte ida hosi inisiativa importante ida hanesan ne'e.
1.jpg)
Image 1; Ekipa Mosan iha loron poupansa nasional
Iha okaziaun espesiál ida-ne’e, Mosan hakarak hato’o ninia apresiasaun sinseru ba BCTL ba sira-nia esforsu kontínuu hodi avansa literasia finanseira dijitál liuhosi programa inovativu oioin. BCTL nia kompromisu atu eduka no hakbi’it indivíduu sira hodi jere sira-nia finansa nu’udar pasu importante ida atu asegura futuru finanseiru ne’ebé nabilan liu ba povu Timor-Leste. Mosan apoia tomak misaun ida-ne'e no enkoraja ema hotu atu simu importánsia poupansa nian nu'udar meius ida atu asegura moris ne'ebé di'ak liu no prósperu liu.
Aleinde selebra signifikadu poupansa nian, Mosan mós konvida partisipante hotu-hotu hosi eventu ne'e atu vizita ami nia kabina no eskanea Kódigu QR Mosan nian. Hodi halo nune'e, ita-boot bele aproveita hemu gratuita ida hanesan sinál ida ba ami nia apresiasaun ba ita-boot nia partisipasaun no envolvimentu.
Iha Mosan, ami fiar atu halo ferramenta finanseira no koñesimentu asesivel ba ema hotu, no ami hein atu kontinua ami nia esforsu sira hodi promove bem-estar finanseiru no apoia kreximentu literasia dijitál iha Timor-Leste. Mai ita hotu hakat hamutuk ba futuru ida ne'ebé finanseiramente seguru no susesu liu.
Mosan-Moris Fasil Liu
en 
